Share

Pin It

zakhm hote ek-do to phir rafoo ki baat thee
is dil-e-sad chaak ko siinaa-pironaa choRhiye

Share

Pin It

Hawa Thami Thi Zaroor Lekin,
Wo Shaam Jesy Sisak Rahi Thi
K Zard Patton Ko Aandhiyun Ne Ajeeb Qissa Suna Dia Tha
K Jis Ko Sun Kar Tamam Pattay
Sisak Rahe Thay
Bilak Rahe Thay
Janae Kis Sanehe K Ghum Main
Shajar Jaron Se Ukhar Chuke Thay
Bohat Talasha Tha Hum Ne Tumko
Har Aik Rasta, Har Aik Waadi
Har Aik Parbat, Har Aik Ghaati
Kahin Se Teri Khabar Na Ayi
To Ye Keh K Hum Ne Dil Ko Tala
Hawa Thame Gi To Dekh Lain Ge
Hum Us K Raston Ko Dhoond Lain Ge
Magar Hamari Ye Khush Khayali
Jo Hum Ko Barbaad Kar Gaye Thi
Hawa Thami Thi Zaroor Lekin
Bari Hi Mud'dat Guzar Chuki Thi
Hamare Balon K Jungalon Main
Safaid Chandi Utar Chuki Thi
Falak Pe Taray Nahi Rahay Thay
Gulaab Pyaray Nahi Rahay Thay
Wo Jin Se Basti Thi Dil Ki Basti
Wo Loog Saare Nahi Rahe Thay
Ye Almiya Sab Se Baalatar Tha
K Hum Tumhare Nahi Rahe Thay
K Tum Hamare Nahi Rahy thay
Hawa Thami Thi Zaroor Lekin
Bari Hi Mud'dat Guzar Chuki Thi!!!

Share

Pin It

Chalay jo ho to bata k jao
Ke kitni shaamein udaas aankhon mein kaatni hein
Ke kitni subhain akelay pan mein guzaarni hein
Bata k jao Ke kitne sooraj azaab rastoon ko dekhna hai
Ke kitne mehtaab sard raatoon ki wusaton se nikaalne hein
Bata k jao ke chaand raatoon mein waqt kaise guzaarna hai
Khamosh lamhoon mein tujh ko kitna pukaarna hai
Bata k jao ke kitne lamhay shumaar karne hein hijr raton ke
Ke kitne mousam aik aik kar k judaiyon mein guzaarne hein
Bata k jao ke panchiyon ne akele pan ka sabab jo poocha
To kaya kahoon gi??

Bata k jao ..main kis se tera gila karoon gi
Bichhar ke tujhse Habeeb..kis se mila karoon gi
Bata k jao ke aankh barsi to koUn moti chuna karay gi
Udaas lamhon mein dil ki dhadkan suna karay gi
Bata k jao k mousamon ko payam dene hein ya nahin
Fallak ko, taron ko, jugnu’on ko slaam dene hein ya nahin
Bata k jao k kis peh hai aitebaar karna
To kis ki baaton pe be-niazi kay silsale ikhtiyaar karna
Bata k jao k ab ravviyoon ki chaal kiya ho
Jawaab kiya ho, sawaal kiya ho
urooj kiya ho, zawaal kiya ho
Nighah, rukhsaar, zulff, chehra ..nidhaal kiya ho
Bata k jao ke meri halat pe chandni khikhila pari to
main kya karoon gi??

Bata k jao k meri soorat pe teergi muskara parhi to
Main kiya karoon gi?
Bata k jao k tum ko kitna pukaarna hai
Bichhar k tujhse yeh waqt kaise guzaarna hai
Ujaarna hai? nikhaarna hai?
Chalay jo ho to bata kay jao
kay loutna bhi hai ya... ???????

Share

Pin It

Reza Reza Sapno Waly
Tooty Chehre
Aadhy Log
Jany Waly Kab Aaty Hain
Q Krty Hain Wady Log

Aas Me Bethi Shehzadi Ki
Maang Me Chandi Jhaank Chuki
Itni Dair Se Q Aaty Hain
Aakhir Ye Shehzady Log

Pyar Ki Raah Pe Ungli Thaamy
Andha Dhund Chal Party Hain
Na Smjhi Me Mar Jaty Hain
Hum Se Seedhy Saady Log

Hum dono Me Kon Hy Mujrim
Ye Ty Hona Mushkil Hy
Aadha Shehr Tha Haami UsKa
Sath Thy Mere Aadhy Log...

Share

Pin It

Bisaat-e-jaan maine khud sameti hai

bohat mushkil tha mere vaaste yeh faisla kerna

ke jese begunah khud chalte chalte daar tak jaye

ke jese khud khizaon ko koi paigam bhijwaye

magar is se bhi mushkil tha

hamare beech aati dooriyo ko bebasi se dekhte rehna

tumhare meherban lehje mein ghulti berukhi ke waar ko sehna

mujhe tasleem hai munh-zor jazbo ki lagamein maine kheenchi hai

bisaat-e-jaan maine khud sameti hai!


~ Bushra Rehman

Share

Pin It

Agar ban mein rehna mukadar hai,
Aur yeh aik teh-shuda amar bhi hai,
Ke har ban mein bas bherriye muntazir hain mere,
Tou yeh sochti hoon,
Ke is soorat-e-haal mein,
Kyon na phir,
Apni marzi ke jungle mein ja basoon…

Parveen Shakir

Share

Pin It

Toot kar zara daikho,

tum agar bikhar jao.

baibasi main ghir jao,

dil sey ik sada dena,

bus mujhay bula lena,

main tumhain sambhaloon ga,

zindagi main chalnay ka rasta

badalnay ka,

ik ik hunar sikha doonga,

tum ko nya hosla doonga,

aur jab sambhal jao,

roshni main dhal jao,

mujh kou yoon sila daina

tum mujhay bhula dena...

 

Share

Pin It

Mohabbat muskurati hay
K yeh jazba hy chahat ka
Jo aksar aazmata hay
K yeh dushman ki har sazish ki
Nakami ka rasta hy
Mohabbat
Maal-o-zar ko b kahan tasleem
Karti hay
Dilon per raaj karti hy k yeh tazeem
Karti hay
Kahin qaus e qazah ban kar
Kahin khusbu ki surat b
Humary khawab raston me
Achanak rung bharti hay
Humari soch per aksar
Haseen mausam sy lati hay
Mohabbat muskurati hay
Mohabbat sagmagati hay

Share

Pin It

Chupke chupke jal jaatay hain

Log mohabbat kaarnay walay

Purwaa sang nikal jaatay hain

Log mohabbat karnay walay

Ankhon ankhon chal partay hain

Taaron ki Qandeel liye

Chaand k saath hi dhal jaatay hain

Log mohabbat karnay walay

Dil main phool khila detay hain

Aag main raag jaga detay hain

Paani beech batashay soorat

Khud tu ghultay rehtay hain

Ghum ko shehad bana detay hain

Log mohabbat karnay walay

Titli titli lehratay hain

Phoolon ki umeed liye

Aik din khushboo ban jaatay hain

Log mohabbat karnay walay!

Share

Pin It

kaho wo dasht kaisa tha?
jidher ankhein ganwaa ayee

kaha' sailab jaisa tha
'bohat chaha k bach niklien
magar sub kuch baha ayee

kaho wo hijar kaisa tha ?

kaha bas aag jaisa tha'
usay choo ker to
apni rooh yeh tan-man jala ayee

kaho ' wo wasl kaisa tha?
tum nay jab choo liya use tou
kya ehasas jaaga tha?


kaha ' aik rastay jaisa jidhar say
bas guzarna tha makan lakin bana ayee

kahoo ' wo chand kaisa tha?
falak say jo utar aya
tumhari ankh mai basnay?

kaha 'wo khawab jaisa tha
nahi tabeer thi uski,
usay aik shab sula ayee

kahoo ' wo ishq kaisa tha
bina sochay bina samjhay
bina parkhay kia tum nay?

kaha' titli k rung jaisa
"bohat dilkash magar kaccha"
jabhi us ko bhula ayee

kaho' wo naam kaisa tha?
jise sehroon aur chunchal
hawaoon par likkha tum nay?

kaha' bas mausamon jaisa na janay
kis tarhan kis pal kis row may
mita ayee...!!!

Share

Pin It

Abhi wo dard baqi hai
Agarcha waqt marham hai
Magar kuch waqt lagta hai
Kisi ko bhool janay main
Dobara dil laganay main
Abhi kuch waqt lagna hai
Abhi wo dard Baqi hai
Main kaisay nai Ulfat main
Apni Zaat gum kar don
Keh mayray jism-o-wajdaa.n main
Abhi wo fard baqi hai
Abhi uss shakhs ki mujh pay
Nigah-e-sard baqi hai
Abhi tu ishq kay rastoo.n ki
Mujh pay gard baqi hai
Abhi wo dard baqi hai ...

Share

Pin It

Mujhe ma’loom hai asaan lagta hai
tumheiN raahain badal lena
koi bhi moR muR jaana
kisi manzil ko tohkar maar kar waapis chale aana
ya manzil ko faqat ik junbish-e-lab se
buhat nazdeek le aana
mujhe maloom hai
buhat asaan hai tum ko palat jaana
merii tum be-bassi dekho
mujhe tum se mohabbat k siwaa kuch nahi aata
magar iss meiN bhi kab koi qareena seekh paai meiN
ye dekho aankh rona chahti hai
phir bhi banjar hai
ye dekho haath kitne sard hain mere
ye dekho dil ki dharkan kis tarah
betarteeb ho kar doobne ko hai
ye dekho mera aanchal haathoN se phissal kar urr geya kab se
ye dekho saans ki dorri bhi mujhse chuhtne ko hai
mere ehsaas ka resham ulajh kar tootne ko hai
mujhe to ye hunar bilkul nahi aata
k kaise apne zakhmoN ko chuhpaate heiN
ya kaisi roothi saansoN ka daaman
thaam kar waapis bulaate heiN
buhat be-khaawab aur weeran mosam meiN
khafa neendoN ko kya kah kar manaate heiN
mujhe ye hunar bilkul nahi aata
k kaise apne mar jaane pe nohey aap kartey heiN
yaa apne hi gale lag kar dilaasa kaisey dete heiN
phir apni hi laash ko kaese
kisi paayaab dariya…….
ya kisi adh-bujhi taaza chitaa meiN jhohnk dete heiN
ya phir aakaash ke neeche khula hi chohr dete heiN
mujhe to ye hunar bilkul nahi aata
ke kaise zard mousam meiN
kisi bhi sard aur be-dard mousam meiN
khushi ka aik bhi Ghuncha
bhala kaise khilaate heiN
ya kaisey aadhey rastey se gharoN ko louT jaate heiN
mujhe bilkul nahi aata
mujhe tum se mohabbat ke siwa
( magar wuh bhi kahaaN aai )
koi hunar bilkul nahi aata..!!~~??...

Share

Pin It

Khirhki, Chand, Kitab Aur main 

Muddat Se ik Baab Aur main 

Shab Bhar Khailain Apas main 

Do Ankhain ik Khawab Aur main

Mouj Aur Kashti, Sahil par
Dariya main Gardab Aur main

Shaam, Udasi, Khamoshi
Kuch Kankar, Talaab aur main

Har Shab Pakray Jatay hain
Ghari Neend teray Khawab Aur main

 

Share

Pin It

Khuch panchi jhund mein urte hon,
Aur rasta bhi khuch mushkil ho,
Khuch dour ufaq pe manzil ho,
Ik Panchi ghayel ho jae,
Aur be-dam ho kr gir jae,
Tou rishtey natey,pyaray sub,
Kub uski khatir rukte hain?
Is duniya ki hai reet yahi,
Jo Sath chalo tou SATH buht
JO RUK JAO TO TANHA HO...

Share

Pin It

Hum apni zaat k andar

andheray hain..........

kisi sooraj se apni aashnai ho to kesay ho?

hum apni zaat ki qabrain

kai sadiyon puraanay be-nishaan khandrat ki soorat...

bhala jeevan se apni aashnai ho to kesay ho?

 Hum apni zaat k sehraa

humara humsafar.....bas habs mausam hai.

kisi badal ya sagar say,humari aashnai ho to kesay ho?

hum apni zaat k mujrim

sazaain khud he patay hain....

bhala zindaan se apni rihai,ho to kesay ho???

Kanwal Hussain

Share

Pin It

Woh raah bhoola yuvraj koi..

aur hum banjaray log sakhi..

apna hai thor thikana kya...

koi basti kya,veerana kya..

bas pal do pal ka mela hai..

phir apna kya,begana kya...

main banjaran,woh pardesi

kuch door ka hai sanjoog sakhii.....

Mora manwa uss ki aur khinchay

aankhon main bharooN to door dikhe..

koi baat karon chup chap takay..

man ki poochon,kuch bhi na kahay...

iss bar nahi bach paye ga..

man ko laga woh rog sakhii.....

Do chaar dino ki batain hain..

us k sang chandani raatain hain..

kabhi saanjh dhalay ya bhor bhaye..

yuvraj se apnay aan milay

phir kon kahan sanjoog sakhii

sari umarron k bhog sakhii...

sab rog sakhii........

Hum dil se haray log sakhii....

kismat k maray log sakhii....

hum banjaray log sakhiii.........

Kanwal Hussain.

Share

Pin It

Meray Charagar ko Naveed ho
Woh jo dil main jeenay ki chaah thi...

woh jo dard tha..

woh jo zindagi se judaii ka mujhay khof tha....

ussi khof say mera por por zard tha...

woh jo aas thi...

jisay thaam ker meri saans chalti thi raat din...

woh jo khuwaab tha..

jisay khud main bharnay ki chaah main...

meri aankh jalti thi raat din.....

Meray charagar ko naveed ho..

meri aas aur meray khuwaab-e-jaan

meri chahtain sabhi jal bujhi..

k....woh aur zehar na de mujhy..

main kabhi ki khud say bichar chuki...

k........main mar chukii !!!!

Kanwal Hussain

Share

Pin It

Kis Liye Ab Udaas Baithi Ho..

Jab Woh Eik Shakhs Dastaras Main Tha...

Uss Se Milna Tumharay Bus Main Tha......

Uski Aankhain Tumhari Aankhain Thien...

Uski Baatain Tumhari Baatain Thien....

Uska Chehra Tumhara Chehra Tha....

Uskay Dil Par Tumhara Pehra Tha....

Uski Har Saans Main Basi Thien Tum...

Uskay Har Lafz Main Khuli Thien Tum...

Uskay Sapnon Main Bhi Rachi Thien Tum....

Uski Neendon Main Jaagti Thien Tum...

Woh Jo Kehta Tha Beqarari Se...

Meri Saari Wafa Tumhari Hai...

Sirf Tum Se Mujhe Mohabbat Hai...

Sirf Tum Se Meri Haqeeqat Hai...

Kitni Baatain Main Keh Nahi Sakta...

Door Tum Se Main Reh Nahin Sakta...

Tab Tum Uskay Har Eik Jumlay Ko...

Tab Tum Uskay Har Eik Jazbay Ko...

Ek Hansi Main Urraya Karti Thien...

Sun Kay Tum Bhool Jaya Karti Thien....

Uss Ki Aankhon Ko Daikhti Thien jab

Be'niyazi Kay Dard Sehta Tha....

Bhool Jana Tumhari Aadat Thi....

Phir Bhi Kitna Malool Rehta Tha....

Apni Tanhaai Kay Galay Lag Kar....

Saray Aansu Woh Roo Gaya Eik Din....

Eik Pat'thar Se Dil Lagi Kar Kay....

Khud Bhi Pat'thar Ka Hogaya Eik Din....

Abb Woh Tumse Tu Kuch Nahin Kehta....

Be'Niyazi Kay Dukh Nahin Sehta...

Uski Aankhain Abb Uski Aankhain Hain...

Uss Ki Baatain Abb Uski Baatain Hain....

Bhool Jana Tumhari Aadat Hai...

Us Ki Baaton Ko Bhool Jaao Na!!!!...

Abb Woh Eik Shakhs Dastaras Main Nahin...

Abb Uss Se Milna Tumharay Buss Main Nahin...

Kis Liye Ab Udaas Baithi Ho...???

Share

Pin It

Mujhy Udaas Dekh kar Us ne Kaha...
Mere hote huwe Tumhain koi Dukh nahi dy sakta

"PHIR AISA HI HUA"
Zindagi main Jitny Dukh mile
...
Sab Usi ne Diye...!!!

Share

Pin It

main aaray tirchay khiyaal sochoon

ke bey-irada kitaab likhoon

koii shanasa ghazal tarashoon

ke ajnabii intisaab likhoon

gawa dun ik umer ke zamanay

ke ik pal ka hisaab likhoon

taveel-tarr hai safar, tumhain kia

main jee raha hoon magar, tumhain kia

magar tumhian kia k tum tu kab say

mere iraday gunwa chalay ho ..

jala ke saray haroof apne

merii duaein bhuja chuke ho

main raat oorhoon ke subh pehnoon

tum tu apnii rasmien utha chuke ho

suna k sub kuch bhula chuke ho

tu ab mere dil pe jabr kaisa

ye dil tu hadd se guzar chuka hai

guzar chuka haii magar, tumhain kia

khizaan ka mosum thehr chuka hai

thehr chuka haii magar tumhe kia

magar tumhe kia ke is khizaan mien

main jis tarah ke bhi khwaab likhon . ..

Mohsin Naqvi