Share

Pin It

Jo Chal Sako To Koi Aysi Chaal Chal Jaana
Mujhe Gumaan Bhi Na Ho Aur Tum Badal Jaana,


Yeh Sholgi Ho badan Ki To Kiya Kiya Jaaye
So Lazmi Tha Tere Perhan Ka Jall Jaana,


Tumhein Karo Koi Darmaan, Yeh Waqt Aan Pohcnha
Kay Ab Charagaron Ko Bhi Haath Mal Jaana,


Abhi Abhi To Judai Ki Shaam Aai Thi
Humen Ajeeb Laga Zindgi Ka Dhal Jaana,


Saji Sjaai Hoi Maot Zindgi To nahi
Moarrakhun Ne Maqabar Ko Bhi Mahal Jaana,


Yeh Kiya K Tu Bhi Isi Saa`at-e-Zawal Mein Hai
Kay Jis Tarah Sabhi Soorajon Ka Dhal Jaana,


Har Eshq Kay Bad Aur Us Kay Eshq Kay Bad
"Faraz" Itna Bhi Asaan Nahi Sanbhal Jaana.