Share

Pin It

 Duniyaa Jise Kahate Hain Jaadu Ka Khilonaa Hai
Mil Jaaye to Mitti hai kho Jaaye to Sonaa Hai

Achchhaa saa koii Mausam Tanahaa Saa koii aalam
Har vaqt kaa ronaa to bekaar kaa ronaa hai

Barasaat kaa baadal to diivaanaa hai kyaa jaane
Kis raah se bachnaa hai kis chhat ko bhigonaa hai

Gam ho ki Khushii donon kuchh der ke saathii hain
Phir rastaa hii rastaa hai hansanaa hai na ronaa hai

By Nida Fazli

Share

Pin It

 Jo Guzar Geya So Guzar Geya
Wo Udaas Dhoop Simait Kar,
Kahin Wadiyon Me Chal Diya,
Ay Mery Dil Tu Na De Sada,
Jo Guzar Geya So Guzar Geya,
Ye Safar Kitna Taveel Hai,
Yahan Waqt Kitna Qaleel Hai,
Kahan Lot Kar Koi Ayega?
Jo Guzar Geya So Guzar Geya,
Wo Wafaien Thi Ya Jafaien Thi,
Ye Na Soch Kis Ki Khataien Thi,
Jo Tera Hai Usko Gale Laga,
Jo Guzar Geya So Guzar Geya,
Ye Duniya Aik Fareb Hai,
Yahan Koi Kisi Ka Apna Nahi,
Ye Ujaar Mehlon Ki Sun Sda,
Jo Guzar Geya So Guzar Geya.

Share

Pin It

Yeh Aur Baat K Is Ehd Ki Nazar Mein Hoon
Abhi Main Kiya K Abhi Manzil-e-Safar Mein Hoon,

Abhi Nazar Nahi Aysi Kay Door Tak Dekhoon
Abhi Khabar Nahi Mujhko K Kis Asar Mein Hoon,

Pigal Rahe Hain Log Shula-e-Jaan Se
Shareek Main Bhi Isi Mehfil-e-Hunar Mein Hoon,

Jo Chahe Sajda Guzare Jo Chahe Thukraa De
Paraa Howa Zamaane Ki Raah Guzar Mein Hoon,

Jo Saaya Ho To Daroon Aur Dhoop Ho To Jalun
K Ek Nakhl-e-Namu Khaak-e-Noha Gar Mein Hoon,

Kiran Kiran Kabhi Khursheed Ban Kay Nilonga
Abhi CHaragh Ki Soorat Main Apne Ghar Mein Hoon,

Bechar gai Hai Woh Khushbu Ujar Giya Hai Woh Rang
Bas Ab To Khawaab Saa Kuch Apni Chashm-e-Tar Mein Hoon,

Qaseeda Khawaan Nahi Logo K Aysh Kar Jaana
Dua Kay Tang Boht Shah K Mein Hoon.

Share

Pin It

tumhain kis ne kaha pagli

mujhe tm yad ati ho

bohat khush feham ho tm bi

tmhari khush-gumani he

meri ankhon ki surkhi main

tumhari yaad ka matlab???

mere shab bhr k jgne me

tmhare khwab ka mtlab???

ye ankhe to hmesha se hi

meri surkh rehti hain

tumhen malum hi hoga

is shayhar ki fiza kitni aloda he

to ye sozish,usi fiza ke bais he

tmhen kis ne kha pgli

ke me shab bhr nahi sota

mjhe is nokri ke sb jhamelon se

kbhi fursat mile to tab he na!!!

meri baton me larzish hai???

main aksr kho sa jata hon???

tmhen ks ne kaha pagli

 mohabbat ke ilawa or bi to dard hote hain

 fikar-e-muaash, sukh ki talaash

aise or bi gham hain

 or tum

un sb ghamon k baad ati ho

 tmhen kis ne kaha pgli

 mjhe tum yad ati ho

 yah dunya walay pagal hain

 zra si bat ko ye to afsana smjte hain

mujhay ab bhi yahan pagal tera dewana samjhaty hain

tumhen kis nay kaha pagli???

magar shayad!!!
magar shayad main jhoota hon......

Share

Pin It

                               

             Duniya main hoon duniya ka talab gaar nahi hoon.
                   Baazaar se guzraa hoon Kharidaar nahi hoon

            Zinda hoon magar zeest kii lazzat nahi baaqii
            Har chand ki hoon hosh main hoshiyaar nahi hoon

                Is Khaanaa-e-hastii se guzar jaunga belaus
                     Saayaa hoon faqat naqsh-e-diivaar nahi hoon

              Afsurdaa hoon ibarat se dava kii nahi haajat
              Gam kaa mujhe ye zauf hai biimaar nahi hoon

            Wo gul hoon Khizaan ne jise barbaad kiyaa hai
             Uljhon kisi daaman se main vo Khaar nahi hoon

                Yaarab mujhe mehfooz rakh us but ke sitam se
                 main us kii inaayat kaa talabgaar nahi hoon