Hum apni zaat k andar
andheray hain..........
kisi sooraj se apni aashnai ho to kesay ho?
hum apni zaat ki qabrain
kai sadiyon puraanay be-nishaan khandrat ki soorat...
bhala jeevan se apni aashnai ho to kesay ho?
Hum apni zaat k sehraa
humara humsafar.....bas habs mausam hai.
kisi badal ya sagar say,humari aashnai ho to kesay ho?
hum apni zaat k mujrim
sazaain khud he patay hain....
bhala zindaan se apni rihai,ho to kesay ho???
Kanwal Hussain
0 comments:
Post a Comment