Share

Pin It

kaho wo dasht kaisa tha?
jidher ankhein ganwaa ayee

kaha' sailab jaisa tha
'bohat chaha k bach niklien
magar sub kuch baha ayee

kaho wo hijar kaisa tha ?

kaha bas aag jaisa tha'
usay choo ker to
apni rooh yeh tan-man jala ayee

kaho ' wo wasl kaisa tha?
tum nay jab choo liya use tou
kya ehasas jaaga tha?


kaha ' aik rastay jaisa jidhar say
bas guzarna tha makan lakin bana ayee

kahoo ' wo chand kaisa tha?
falak say jo utar aya
tumhari ankh mai basnay?

kaha 'wo khawab jaisa tha
nahi tabeer thi uski,
usay aik shab sula ayee

kahoo ' wo ishq kaisa tha
bina sochay bina samjhay
bina parkhay kia tum nay?

kaha' titli k rung jaisa
"bohat dilkash magar kaccha"
jabhi us ko bhula ayee

kaho' wo naam kaisa tha?
jise sehroon aur chunchal
hawaoon par likkha tum nay?

kaha' bas mausamon jaisa na janay
kis tarhan kis pal kis row may
mita ayee...!!!

Share

Pin It

Din Nikle To , Soch Alag , Sham Dhale , Wajdhan Alag
Umeed Alag , Aas Alag , Sukoon Alag , Tofaan Alag

Tashbi Don To Kis Se,K Tere Husun Ka Har Rang
Neelam Alag , Zamard Alag , Yaqood Alag , Marjhan Alag

Teri Ulfat K Taqazey Bhi Ajab Andaz k The
Iqrar Alag , Takraar Alag , Taa'zim Alag , Farman Alag

Gar Sath Nahi De Sakte To Bant Do Yak'jah Lamhey
Musawur Alag , Nidhal Alag , Pur'Kaif Alag ,Pareshan Alag

Waqt-e-Rukshat Alvidha Ka Lafz Jab Kehne Lage
Aanso Alag , Muskan Alag , Be'Tabi Alag , Be'jaan Alag

Jab Chor Gaya , Tab Dekha Apni Ankhon Ka Rang
Hairan Alag , Pesh'maan Alag , Sunsaan Alag , Beya'Baan Alag

 

Share

Pin It

Teri Jesi aankhon waaley aatey hen Jab sahil par,

Lehrain shor machaati hen Lo aaj samandar doob Chaala...

Share

Pin It

Khwaab-nagar hai aaNkheN khole dekh rahaa huuN
us ko apnii jaanib aate dekh rahaa huuN

kis kii aahaT qarya qarya phail rahii hai
diivaaroN ke raNg badalte dekh rahaa huuN

kaun mere jaaduu se bach kar jaa saktaa hai!
aaiinaa huuN, sab ke chehre dekh rahaa huuN

darvaaze par tez havaaoN kaa pehraa hai
ghar ke andar chup ke saaye dekh rahaa huuN

jaise meraa chehraa mere dushman kaa ho
aaiine meiN Khud ko aise dekh rahaa huuN

manzar manzar viiraanii ne jaal taane haiN
gulshan gulshan bikhre patte dekh rahaa huuN

manzil manzil haul meN Duubii aavaazeN haiN
rastaa rastaa Khauf ke pahre dekh rahaa huuN

shehr-e-saNg dilaN meiN Amjad har raste par
aavaazoN ke patthar chalte dekh rahaa huuN

By Amjad Islam Amjad

Share

Pin It

Wo Teri Aankhon Ke Khwaab Saare
Wo Baatein Saari, Hisaab Saare
Sawaal Saare, Jawaab Saare
Wo Khushian Saari, Azaab Saare
Nasha Tha, Jo Utar Gaya Hai
Kuch Tou Hai, Too Badal Gaya Hai
Jo Mere Milne Ki Aarzoo Thi
Jo Tujh Ko Paane Ki Justajoo Thi
Huii Jo Chaahat Abhi Shuroo Thi
Jo Teri Aankhon Main Raushani Thi
Jo Teri Baaton Ki Raagani Thi
Jo Teri Saanson Ki Taazagi Thi
Jo Tere Lehje Main Chaasahani Thi
Wo Meetha Saara, Pighal Gaya Hai
Kuch To Hai, Tou Badal Gaya Hai