Baghi Main Aadmi Se, Na Munkar Khuda Ka Tha
Darpesh Maslaa Meri Apni Anaa Kaa Thaa,
Gumsum Khara Tha Ek Shajar Dasht-e-Khof Mein
Shayad Woh Muntazir Kisi Andhi Hawaa Ka Tha,
Apne Dhowein Ko Chor Giyaa Asmaan Parr
Bujhte Howe Diye Mein Gharoor Intihaa Ka Tha,
Dekha To Woh Haseen Laga Saare Shaher Mein
Socha To Woh Zaheen Bhi Zalim Balaa Ka Tha,
Lehra Raha Tha Kal Jo Sar-e-Shakh Be Libaas
Daman Ka Taar Tha Kay Woh Parcham Sabaa Ka Tha,
Warna Makaan Tera Kahaan, Chandni Kahaan ?
Us Dast-e-Be Charagh Mein Shola Hina Ka Tha,
Main Khush Howa K Log Ekathe Hain Shaher Kay
Baher Gali Mein SHor Tha Lekin Hawaa Ka Tha,
Us Ko Ghulaaf-e-Rooh Mein Rakha Sambhaal Karr
"Mohsin" Woh Zakhm Bhi To Kisi Ashnaa Ka Tha.
