Share

Pin It

chandni raat k hathon pay sawar utri hai
koi khushboo meri dehleez k paar utri hai

is main kuch rang bhi hain khuwab bhi mehkar bhi hai
jhilmilati hui khawish bhi inkaar bhi hai

isi khushboo main kayi dard bhi afsanay bhi
isi khushboo nay banaye kayi dewanay bhi

meray anchal pay umeedon ki qitar utri hai
koi khushboo meri dehleez k paar utri hai

isi khushboo say kisi yaad k der khultay hain
meray pairon say jo liptay to safar khultay hain

yahi khushboo jo mujhey ghar say utha layi thi
ab kisi tor palat ker nahi janay deti

meri delhiz bulati hai mujhey loot aao
yahi khushboo mujhey wapis nahi aanay deti

ranj or dard main doobi bahar utri hai
koi khushboo meri dehleez k paar utri hai

Wasi Shah

Share

Pin It

Majbooriyon k naam par lut'ti hain har ghari..... 

Hawwa ki betiyoon k muqaddar ajeeb hain....

Share

Pin It

kaho wo dasht kaisa tha?
jidher ankhein ganwaa ayee

kaha' sailab jaisa tha
'bohat chaha k bach niklien
magar sub kuch baha ayee

kaho wo hijar kaisa tha ?

kaha bas aag jaisa tha'
usay choo ker to
apni rooh yeh tan-man jala ayee

kaho ' wo wasl kaisa tha?
tum nay jab choo liya use tou
kya ehasas jaaga tha?


kaha ' aik rastay jaisa jidhar say
bas guzarna tha makan lakin bana ayee

kahoo ' wo chand kaisa tha?
falak say jo utar aya
tumhari ankh mai basnay?

kaha 'wo khawab jaisa tha
nahi tabeer thi uski,
usay aik shab sula ayee

kahoo ' wo ishq kaisa tha
bina sochay bina samjhay
bina parkhay kia tum nay?

kaha' titli k rung jaisa
"bohat dilkash magar kaccha"
jabhi us ko bhula ayee

kaho' wo naam kaisa tha?
jise sehroon aur chunchal
hawaoon par likkha tum nay?

kaha' bas mausamon jaisa na janay
kis tarhan kis pal kis row may
mita ayee...!!!

Share

Pin It

Abhi wo dard baqi hai
Agarcha waqt marham hai
Magar kuch waqt lagta hai
Kisi ko bhool janay main
Dobara dil laganay main
Abhi kuch waqt lagna hai
Abhi wo dard Baqi hai
Main kaisay nai Ulfat main
Apni Zaat gum kar don
Keh mayray jism-o-wajdaa.n main
Abhi wo fard baqi hai
Abhi uss shakhs ki mujh pay
Nigah-e-sard baqi hai
Abhi tu ishq kay rastoo.n ki
Mujh pay gard baqi hai
Abhi wo dard baqi hai ...

Share

Pin It

Ishq ,Tujh Sa Bura Nahi Koi....
Har Bhaly Ka Bura Kia Tu Ne..!!!

Share

Pin It

Mareez- E -Ishq hai to, Dawa- E - Dil samjh dilbar ko,
Phir Marz janay, Dawa janay,Shifa janay, KHUDA janay..

Share

Pin It

Mujhe ma’loom hai asaan lagta hai
tumheiN raahain badal lena
koi bhi moR muR jaana
kisi manzil ko tohkar maar kar waapis chale aana
ya manzil ko faqat ik junbish-e-lab se
buhat nazdeek le aana
mujhe maloom hai
buhat asaan hai tum ko palat jaana
merii tum be-bassi dekho
mujhe tum se mohabbat k siwaa kuch nahi aata
magar iss meiN bhi kab koi qareena seekh paai meiN
ye dekho aankh rona chahti hai
phir bhi banjar hai
ye dekho haath kitne sard hain mere
ye dekho dil ki dharkan kis tarah
betarteeb ho kar doobne ko hai
ye dekho mera aanchal haathoN se phissal kar urr geya kab se
ye dekho saans ki dorri bhi mujhse chuhtne ko hai
mere ehsaas ka resham ulajh kar tootne ko hai
mujhe to ye hunar bilkul nahi aata
k kaise apne zakhmoN ko chuhpaate heiN
ya kaisi roothi saansoN ka daaman
thaam kar waapis bulaate heiN
buhat be-khaawab aur weeran mosam meiN
khafa neendoN ko kya kah kar manaate heiN
mujhe ye hunar bilkul nahi aata
k kaise apne mar jaane pe nohey aap kartey heiN
yaa apne hi gale lag kar dilaasa kaisey dete heiN
phir apni hi laash ko kaese
kisi paayaab dariya…….
ya kisi adh-bujhi taaza chitaa meiN jhohnk dete heiN
ya phir aakaash ke neeche khula hi chohr dete heiN
mujhe to ye hunar bilkul nahi aata
ke kaise zard mousam meiN
kisi bhi sard aur be-dard mousam meiN
khushi ka aik bhi Ghuncha
bhala kaise khilaate heiN
ya kaisey aadhey rastey se gharoN ko louT jaate heiN
mujhe bilkul nahi aata
mujhe tum se mohabbat ke siwa
( magar wuh bhi kahaaN aai )
koi hunar bilkul nahi aata..!!~~??...

Share

Pin It

Ik yehi khwahish k koi zakhm na dekhy dil k... 

Ik yehi hasrat k koi dekhny wala hota..

Share

Pin It

Khirhki, Chand, Kitab Aur main 

Muddat Se ik Baab Aur main 

Shab Bhar Khailain Apas main 

Do Ankhain ik Khawab Aur main

Mouj Aur Kashti, Sahil par
Dariya main Gardab Aur main

Shaam, Udasi, Khamoshi
Kuch Kankar, Talaab aur main

Har Shab Pakray Jatay hain
Ghari Neend teray Khawab Aur main

 

Share

Pin It

Inteha e Berukhi k Qareenay Main ! 

Kash Hum bhi aap per gaye hotay 

Share

Pin It

Wohi Kaarwaan, Wohi Raastay, Wohi Zindagi, Wohi Marhalay - 

Magar Apne Maqaam Par Kabhi Tum Nah!n Kabhi Hum Nah!n.

Share

Pin It

Wo mairay alfaaz se hairaan rahta tha.
Main us k zoq se paraishaan rahta tha!

Be-wafa to keh dea tha sar-e-aam us ne.
Phir na jaanay keon khud he pashaimaan rahta tha!

Suna hai k poocha tha kisi ne mairay baaray main us se.
Kaha us ne k haan dill main ek nadaan rahta tha!

 Wasi ham kaisay us ki ruswaee karain?
Jis par kabhe hamara emaan rahta tha!!!

Wasi Shah

Share

Pin It

Na hona bemurawat na berukhi dikhana 

bs sadgi se kahna,tm bojh bn gay ho

Share

Pin It

apna tawaan lay k choray ga,, 

ishq hai,jaan lay k choray ga!!!!!!

Share

Pin It

Tum ne Pochha Hay Magar Kaisy Bataen Tum ko..?
Dukh Ibaarat to Nahin hay k Tumhein Likh Bhejein....!

 

Share

Pin It

Agar Wo Poch lay Ham se, Tumhain kis Bat Ka Hai Gham....

To Phir Kis Bat Ka Hai Gham, Agar Wo Poch Le Hum Se......

Share

Pin It

Numayaan Ho kay Dekhla De Kabhi In Ko Jamal Apna
Boht Muddat Se Charche Hain Tere Bareek Beeno Mein,

Khamosh Aye Dil Bhari Mefil Mein Chillana Nahi Acha
Adab Pehla Qareena Hai Muhabbat Kay Qareeno Mein,

Bura Samjhun Unhen Mujh Se To Aysa Ho Nahi Sakta
K Main Khud Bhi To Hoon "Iqbal" Apne Nukta Cheeniyon Mein.

 

Share

Pin It

Tune Dekha Hai Munderon Pe Charghun Ko Faqat
Maine Jalta Howa Har Dor Mein Insaan Dekha.

Share

Pin It

ab meri koi zindagi hi nai...
ab bhi tum meri zindagi ho kya...!!!

Jaun Elia..

Share

Pin It

 

 Karo talash koi noor ki nishani ab,
NahiN qubool andheroN ki hukmarani ab !!

YahaN sipaah bhi dushman, wazeer bhi ghaddar
So chhoRay jatay haiN ham, apni rajdhani ab!

Qaseeda-go nay meray Qissa-go khareed li'ay
KahaN suhana'ey ga koi meri kahani ab?

JinheN gumaN hai, woh kehtay raheN, ''sab achha hai''
Yaqeen waloN nay lekin teri na mani ab !!

Phir is kay baad dhuwaN hi bachay ga aahoN ka
Keh sookhnay ko hai, aankhoN ka sara pani ab

ZamiN peh phelay azaboN kay log aadi haiN
Yeh mangtay haiN bala koi aasmani ab !!!

Share

Pin It

Shafa Deta Hai ZakhmoOon Ko, Us Ka Marhami Lehja 

Mgr Jo Dil Pey Chaltey Hain, Woh khanjar Bhi Usi K Hain…

Share

Pin It

Khuch panchi jhund mein urte hon,
Aur rasta bhi khuch mushkil ho,
Khuch dour ufaq pe manzil ho,
Ik Panchi ghayel ho jae,
Aur be-dam ho kr gir jae,
Tou rishtey natey,pyaray sub,
Kub uski khatir rukte hain?
Is duniya ki hai reet yahi,
Jo Sath chalo tou SATH buht
JO RUK JAO TO TANHA HO...

Share

Pin It

Hum apni zaat k andar

andheray hain..........

kisi sooraj se apni aashnai ho to kesay ho?

hum apni zaat ki qabrain

kai sadiyon puraanay be-nishaan khandrat ki soorat...

bhala jeevan se apni aashnai ho to kesay ho?

 Hum apni zaat k sehraa

humara humsafar.....bas habs mausam hai.

kisi badal ya sagar say,humari aashnai ho to kesay ho?

hum apni zaat k mujrim

sazaain khud he patay hain....

bhala zindaan se apni rihai,ho to kesay ho???

Kanwal Hussain

Share

Pin It

Tawaqqo Thi K Is Gham Ka Madawa Ho Hi Jay Ga
Magar Afsoos K Pehli Mohabbat Aakhiri Nikli...! 

 

Share

Pin It

Gardish e khoon Main Mahek Uth'ta ha Khushboo ki Tarha....
Ishq Waadaa Tou Nahi hai k Mukar Jaoo Gay...

 

Share

Pin It

Dhoondo Gay Kahan Mujhko? Lo Mera Pata Le Lo..!!
Ek Qabar Nayi Hogi, Ek Jalta Diya Ho Ga..!!

 

Share

Pin It

Chiragh-E-Shab Ko Jaisey Andhiyan Achi Nahi Lagtin.
Kuch Aise Hi Hamain Khush Fehmiyan Achi Nahi Lagtin.

Jinhein Soney K Pinjrey Main Giza Mil Jae Chaandi Ki.
Unhain Phir Umar Bhar Azadiyan Achi Nhi Lagtin.

Woh Jin K Dil Main Fazal-E-Gham Ne Dairey Daal Rakhe Hon.
Unhain Pholon Pe Baithi Titliyan Achi NhiLagtin.

 

Share

Pin It

Uski Nigah-e-Naaz Me Hum Bhi Hain........
"Saqi"
Ay Dil Ye Sab Kahin Teri Khush Fehmiyan Na Hon.....!!!