Na Jaane Kiyoon....

Share

Pin It

Shajar Shajar Udaas Hai, Na Jaane Kiyoon
Hawaa Bhi Bad Hawaas Hai, Na Jaane Kiyoon,

Labun Pe Koi Maajraa Nahi, Magar
Nazar Nazar Mein Yaas Hai, Na Jaane Kiyoon,

Hayaat Jis Libaas Mein Dulhan Si Thi
Dareeda Woh Libaas Hai, Na Jaane Kiyoon,

Dilon Ka Darmiyaan Pull Kholoos Kaa
Hanooz Be Asaas Hai, Na Jaane Kiyoon,

Bajaaye Ehtajaaj, Har Qateel Ki
Nigah Mein Iltimaas Hai, Na Jaane Kiyoon,

Khabar Jo Gasht Kar Rahi Hai Khair ki
Qiyas Hi Qiyaas Hai, Na Jaane Kiyoon,

Diyaar-e-Dil Mein "Qaisar" Khazeen Abhi
Sakoon Nahi Haraas Hai, Na Jaane Kiyoon.