Huwa To Kuch Bhi Nahi......!!!

Share

Pin It

                                     Bus kaheen door kisi

Benam sanatey main
Shesha-e-dil tootney ki sadaa ayi hai
Uss sadaa main kaheen nihaan hain
Kuch zakhm harey
Zakhm wo jo miley

Sahra-e-muhabbt ki musafaton main
Kuch vasl lamhon ki chahatoon main
Fasana-e-dil ki kitabaton main
Per ab
Be-naam si kasak jag uthi hai
Aik nai fikr jag uthi hai
Koun chunnay ga
Kirchiyan bhikhri hoi si
Koun karega rangeen haath
Apney
Lahoo se
Bus itni hi si tu baat hai jaanan
Aur to
Howa kuch bhi nahi

Bus yaad banker
Kuch khaar lamhey
Aankhon may chubh gaye hain
Aur
Zara si palkain hi tu num hoi hain
Aur to
Huwa kuch bhi nahi