Share

Pin It

tarah tarah kii museebat aur ek jaan ke liye
kahaan pe bhej diya tu ne imtehaan ke liye

har ek raasta masdood hai baghair-e-junoon
khirad hai koh-e-garaan azm-e-naujawaan ke liye

ajeeb cheez hai qismat kii naa'rasaai bhii
qadam liye bhii to kambakht paasbaan ke liye

wo saath choR ke baithein, jo saath chal na sakein
balaa-e-jaan na banein poore kaarwaan ke liye

hamaare naam se surkhii-e-daastaan na sahii
hamaara khoon to haazir hai daastaan ke liye

qayood-e-ishq kii majbooriyaan! are taubaa
zabaan rakh ke bhii tarsa kiye zabaan ke liye

khata muaf ijazat mile to kuch poochoon
akele raat mein nikle ho kahaan ke liye?

merii nahii mere sajdon kii aabroo rakh le
ke mera sar nahii auron ke aastaan ke liye

Nazeer faasla-e-umr, ab tamaam huaa
wahaan kii fikr karo aaye ho jahaan ke liye

Nazeer Banarasi

Share

Pin It

zakhm hote ek-do to phir rafoo ki baat thee
is dil-e-sad chaak ko siinaa-pironaa choRhiye

Share

Pin It

Hawa Thami Thi Zaroor Lekin,
Wo Shaam Jesy Sisak Rahi Thi
K Zard Patton Ko Aandhiyun Ne Ajeeb Qissa Suna Dia Tha
K Jis Ko Sun Kar Tamam Pattay
Sisak Rahe Thay
Bilak Rahe Thay
Janae Kis Sanehe K Ghum Main
Shajar Jaron Se Ukhar Chuke Thay
Bohat Talasha Tha Hum Ne Tumko
Har Aik Rasta, Har Aik Waadi
Har Aik Parbat, Har Aik Ghaati
Kahin Se Teri Khabar Na Ayi
To Ye Keh K Hum Ne Dil Ko Tala
Hawa Thame Gi To Dekh Lain Ge
Hum Us K Raston Ko Dhoond Lain Ge
Magar Hamari Ye Khush Khayali
Jo Hum Ko Barbaad Kar Gaye Thi
Hawa Thami Thi Zaroor Lekin
Bari Hi Mud'dat Guzar Chuki Thi
Hamare Balon K Jungalon Main
Safaid Chandi Utar Chuki Thi
Falak Pe Taray Nahi Rahay Thay
Gulaab Pyaray Nahi Rahay Thay
Wo Jin Se Basti Thi Dil Ki Basti
Wo Loog Saare Nahi Rahe Thay
Ye Almiya Sab Se Baalatar Tha
K Hum Tumhare Nahi Rahe Thay
K Tum Hamare Nahi Rahy thay
Hawa Thami Thi Zaroor Lekin
Bari Hi Mud'dat Guzar Chuki Thi!!!

Share

Pin It

Lab-E-Tishnagi ki Manind, Shab-o-Roz Qatra Qatra...

Mujhy Zehar Mil Raha hai teri Berukhi sy Jaana.........

Share

Pin It

Chalay jo ho to bata k jao
Ke kitni shaamein udaas aankhon mein kaatni hein
Ke kitni subhain akelay pan mein guzaarni hein
Bata k jao Ke kitne sooraj azaab rastoon ko dekhna hai
Ke kitne mehtaab sard raatoon ki wusaton se nikaalne hein
Bata k jao ke chaand raatoon mein waqt kaise guzaarna hai
Khamosh lamhoon mein tujh ko kitna pukaarna hai
Bata k jao ke kitne lamhay shumaar karne hein hijr raton ke
Ke kitne mousam aik aik kar k judaiyon mein guzaarne hein
Bata k jao ke panchiyon ne akele pan ka sabab jo poocha
To kaya kahoon gi??

Bata k jao ..main kis se tera gila karoon gi
Bichhar ke tujhse Habeeb..kis se mila karoon gi
Bata k jao ke aankh barsi to koUn moti chuna karay gi
Udaas lamhon mein dil ki dhadkan suna karay gi
Bata k jao k mousamon ko payam dene hein ya nahin
Fallak ko, taron ko, jugnu’on ko slaam dene hein ya nahin
Bata k jao k kis peh hai aitebaar karna
To kis ki baaton pe be-niazi kay silsale ikhtiyaar karna
Bata k jao k ab ravviyoon ki chaal kiya ho
Jawaab kiya ho, sawaal kiya ho
urooj kiya ho, zawaal kiya ho
Nighah, rukhsaar, zulff, chehra ..nidhaal kiya ho
Bata k jao ke meri halat pe chandni khikhila pari to
main kya karoon gi??

Bata k jao k meri soorat pe teergi muskara parhi to
Main kiya karoon gi?
Bata k jao k tum ko kitna pukaarna hai
Bichhar k tujhse yeh waqt kaise guzaarna hai
Ujaarna hai? nikhaarna hai?
Chalay jo ho to bata kay jao
kay loutna bhi hai ya... ???????

Share

Pin It

Na Shikayatain, Na Sawal Hai, Koi Aasra; Na Malal Hai.

Teri Be-Rukhi Bhi Kamal Thi, Mera Zabt Bhi Kamal Hai