Share

Pin It

Mujhay aur kahin le chal sanwal

jahan raat kabhi b soi na ho
jahan subah kissi pe roi na ho
jahan hijer ne wehshat boi na ho
jahan koi kissi ka koi na ho

Mujhay aur kahin le chal sanwal

jahan shaher hoon sare wairane
jahan loog sabhi hoon baigane
jahan sab k sab hoon dewane
jahan koi humain na pehchane

Mujhay aur kahin le chal sanwal

jahan nafrat dil mein bus na sake
jahan koi kissi ko dus na sake
jahan koi kissi pe huss na sake
jahan koi b gunjal kass na sake !

Mujhay aur kahin le chal sanwal

jahan dard kissi ko raas na ho
jahan koi b uddas na ho
jahan zulmat ki boo bass na ho
jahan too b ziada pass na ho

Mujhay aur kahin le chal sanwal

Share

Pin It

bisat-e-ishq me muje maat ho jaye gi...
kise khabr thi k banjr ye zat ho jaye gi...


shayd wo ana me pehchan-nay se inkar ker day...
kabhi jo rah-e-ishq pe mulaqat ho jaye gi...


judai bakhshay gi umer bhar ka adhoura pun...
ya hijr me mukamal meri zat ho jaye gi...


us ka nam tak lene ki ijazat nai ab to...
khayal to yeh tha k kabi kabi bat ho jaye gi...


guman tak na tha is qadar zawal ka aakash...
socha tha k subh hote hi rat ho jaye gi...

Share

Pin It

Dilon ki basti k log Mohsin

ujar ujar k ye keh gay hain..!

Jahan wafaon mein khot dekho

wahan kabhi bhi kharay na rehna..!

Mohsin Naqvi

Share

Pin It

Reza Reza Sapno Waly
Tooty Chehre
Aadhy Log
Jany Waly Kab Aaty Hain
Q Krty Hain Wady Log

Aas Me Bethi Shehzadi Ki
Maang Me Chandi Jhaank Chuki
Itni Dair Se Q Aaty Hain
Aakhir Ye Shehzady Log

Pyar Ki Raah Pe Ungli Thaamy
Andha Dhund Chal Party Hain
Na Smjhi Me Mar Jaty Hain
Hum Se Seedhy Saady Log

Hum dono Me Kon Hy Mujrim
Ye Ty Hona Mushkil Hy
Aadha Shehr Tha Haami UsKa
Sath Thy Mere Aadhy Log...

Share

Pin It

Bisaat-e-jaan maine khud sameti hai

bohat mushkil tha mere vaaste yeh faisla kerna

ke jese begunah khud chalte chalte daar tak jaye

ke jese khud khizaon ko koi paigam bhijwaye

magar is se bhi mushkil tha

hamare beech aati dooriyo ko bebasi se dekhte rehna

tumhare meherban lehje mein ghulti berukhi ke waar ko sehna

mujhe tasleem hai munh-zor jazbo ki lagamein maine kheenchi hai

bisaat-e-jaan maine khud sameti hai!


~ Bushra Rehman

Share

Pin It

Maarkah ab k hua bhi to phr aisa hoga...
Teray darya pe meri pyas ka pehra hoga...
Ya maseehai usay bhool gai hai MOHSIN...
Ya phr aisa hai mera zakhm he gehra hoga...

Mohsin Naqvi

Share

Pin It

Agar ban mein rehna mukadar hai,
Aur yeh aik teh-shuda amar bhi hai,
Ke har ban mein bas bherriye muntazir hain mere,
Tou yeh sochti hoon,
Ke is soorat-e-haal mein,
Kyon na phir,
Apni marzi ke jungle mein ja basoon…

Parveen Shakir

Share

Pin It

Toot kar zara daikho,

tum agar bikhar jao.

baibasi main ghir jao,

dil sey ik sada dena,

bus mujhay bula lena,

main tumhain sambhaloon ga,

zindagi main chalnay ka rasta

badalnay ka,

ik ik hunar sikha doonga,

tum ko nya hosla doonga,

aur jab sambhal jao,

roshni main dhal jao,

mujh kou yoon sila daina

tum mujhay bhula dena...

 

Share

Pin It

Bohat saada Tabiyat ho magar tumko zamanay ne...
Abhi nafrat sikhani hai, bohat maghroor karna hai....

Share

Pin It

Mohabbat muskurati hay
K yeh jazba hy chahat ka
Jo aksar aazmata hay
K yeh dushman ki har sazish ki
Nakami ka rasta hy
Mohabbat
Maal-o-zar ko b kahan tasleem
Karti hay
Dilon per raaj karti hy k yeh tazeem
Karti hay
Kahin qaus e qazah ban kar
Kahin khusbu ki surat b
Humary khawab raston me
Achanak rung bharti hay
Humari soch per aksar
Haseen mausam sy lati hay
Mohabbat muskurati hay
Mohabbat sagmagati hay

Share

Pin It

muhabatain jab shumar kerna tu sazishain bhi shumar kerna
jo mere hisse mai aayain vo aziyatian bhi shumar kerna

jalaye rekhoon ge subha tak tumahre raste mai apni aankhain
magar kaheen zabt toot jaye tu barishian bhi shumar kerna

jo harf e loh wafa pe likhe huwwe hain in ko bhi deekh lena
jo raigaan ho gaeen vo saare ibartain bhi shummar kerna

ye sardion ka udas mousam ke dharkanayain baraf ho gae hain
jab in ke yaqbaste parakhna tamazatain bhi shumar kerna

tum apni majboorion ke qise bhi likhna wazahatoon se
jo mere aankhon mai jal bujhe hain vo khuwaishan bhi shumar kerna..

Share

Pin It

Chupke chupke jal jaatay hain

Log mohabbat kaarnay walay

Purwaa sang nikal jaatay hain

Log mohabbat karnay walay

Ankhon ankhon chal partay hain

Taaron ki Qandeel liye

Chaand k saath hi dhal jaatay hain

Log mohabbat karnay walay

Dil main phool khila detay hain

Aag main raag jaga detay hain

Paani beech batashay soorat

Khud tu ghultay rehtay hain

Ghum ko shehad bana detay hain

Log mohabbat karnay walay

Titli titli lehratay hain

Phoolon ki umeed liye

Aik din khushboo ban jaatay hain

Log mohabbat karnay walay!