Share

Pin It

  

Ary Pagal, Muhabbat Banjh hoti he, 

kabhi bhi Phal nehin deti!!

Share

Pin It

Bahut muddat say aisa hai

ke tum khamosh rehtay ho

koi gehra hai gham shayed

jisay chup chap sehtay ho

yunhi chalty hoye tanha

koi ghamgheen sa naghma

tum aksar gungunatay ho

dauran-e-guftugu yunhi

milain nazron say jab nazrain

to batain bhool jatay ho

kisi gum sum si halat main

ya phir barish ke mausam main

fakat itna hi kehty ho

udasi bewaja si hai

bht bojhal tabiyat hai

bhala such kyun nahin kehty

...

...

...

...

...

...

"tumhain mujh sey mohabbat hey"

Share

Pin It

Mujh Ko Baatein Kab Aati Hain ?
Main To Bus Khamosh Sa Sha‘Ir
Ulfat Chahat Ke Rango Se

Dil Ki Khali Tasveero Main
Koi Mohabbat Likh Deta Hoon …
Aur Kabhi Deewar Se Lagkar
Koi Mohabbat Ro Deta Hoon …
Aur Kabhi Aankho Aankho Mein
Saari Baatein Keh Jata Hoon ….
Main To Ek Khamosh Sa Sha‘Ir
Mujhko Baatein Kab Aati Hain ???
Mujh Ko Baatein Gar Aati To
Tum Kiya Mujh Ko Chhor Kar Jaati ???
Mere Sapne Tod Kar Jaati ???
Kiya Meri Aankho Mein Dukh Ke
Itne Aansoo Dekh Sakti Thi ???
Mera Kul Sarmaya Tha Jo
Kiya Mujhse Woh Le Sakti Thi ???
Mujh Ko Baatein Gar Aati To
Main Bhi Tumse Woh Sab Kehta
Jo Tum Sunne Ki Khwahish Mein
Saare Raaste Bhool Aayi Ho
Saare Rishte Bhool Aayi Ho
Main Thera Khamosh Sa Sha‘Ir
Mujh Ko Baatein Gar Aati To
Tum Bhi Mere Khwab Sajaati
Yoon Na Tanha Chhor Kar Jaati
Kaash ! Mujhe Bhi Baatein Aati ..

Share

Pin It

agar wo pyar kr leta
mera daman pakar leta
to
jeewan mein faqat us se
mohabbat farz ho jati
mohabbat qarz ho jati
mgar
acha kiya us ne
mjhe samjha k chal nikla
mujhe thukra k chal nikla
bohat nadan sa hy woh
abhi anjaan sa hy woh
kahan maloom hy usko
mohabbat zindagi mein bus
faqt ek baar milti hy
agar thukra k chal biklain
to umrain beet jati hain
mohabbat ki tamana mein magar
her ek raste pe
sirf ruswai milti hy
faqt tanhai milti hy .....

Share

Pin It

Yehi Gar Zid Tumhari Hay...!!

Chalo Hum Bhool Jatey Hain....

Sabhi Waadey,Sabhi Kasmein.....

Muhabbat Ki Sabhi Rasmein....

Nahi Manzoor Jo Tum Ko...

Karein Ranjoor Ho Tum ko....

Tumhari Shadmani Hi Azeez-Az-Jan Hay Jab To.....

Tumhein Phir Tokna Kaisa.......????

Zayaa, Sood Ki Babat Bhala Phir Sochna Kaisa...???

Chalo Hum Bhool Jatey Hain.....

Muhabbat Ki Riyazat Mein........

Wafaon Ki Musafat Mein......

Qadam Kis k Kahan Behkay,Hui Kis Se Kahan Larzish..........

Basa Di Jis Ne Ik Pal Mein Hamari Aankhon Mein Barish....

k Jis Ki Tez Boondon Ne.....

Kisi Tezab Ki Surat.....

Nishan-e-Manzil-e-Dil Hi Jala Dala.............,!! ....Mita Dala...!!

Magar Jaana......!

.

.

Kahan Aasan Hota Hay...

Jigar Ka Khoon Ashkon Mein Badalna Aur Baha Dena....!!!!!!

Kash-O-Khashaak Chun Chun Kar...!!

Gharonda Ik Banana Aur...!!............ ...Usi Ko Phir Jala Dena..!!!

Jawan Sapnoon Ki Laashon Ko

Daroon-e-Jan Chupa Kar Muskura Dena

Khiza'ein Paalna Khud Mein!!!....Bahar'ein Bant'tay Phirna!!!!!!!!!!

Kahan Aasan Hota Hay................. .......!!!!

Bohat Mumkin Hay Hum b Haar Hi Jayein

Jawan Hay Zabt Jo Ab tak......!!!

Muqabil Gham k Aye Aur,Dhe Jaye...!!!

Aur Iss Mein b Ta'ajjub Kya......?????
.
.

Tumharey Laut Aney Ki Bachi Ho Aas Jo Koi...!!!

Nawa-e-Be Zuban Ban Kar....!!

Sisak Kar Phir Se Uthay Aur Tum Tak b Pahunch Jaye...!!

So Tum Se Yeh Guzarish Hay................. ...!!!!!!
.

..

......

........

............

Tab Ik Ehsan Tum Karna......!!


Palat Kar Dekhna Youn Sard Nazron Se.....!!!!


k Jo b Aas Zinda Ho

Usay Yaksar Mita Dena

Mujhay Pathar Bana Dena...!!!!!!!

Share

Pin It

tumhain kis ne kaha pagli

mujhe tm yad ati ho

bohat khush feham ho tm bi

tmhari khush-gumani he

meri ankhon ki surkhi main

tumhari yaad ka matlab???

mere shab bhr k jgne me

tmhare khwab ka mtlab???

ye ankhe to hmesha se hi

meri surkh rehti hain

tumhen malum hi hoga

is shayhar ki fiza kitni aloda he

to ye sozish,usi fiza ke bais he

tmhen kis ne kha pgli

ke me shab bhr nahi sota

mjhe is nokri ke sb jhamelon se

kbhi fursat mile to tab he na!!!

meri baton me larzish hai???

main aksr kho sa jata hon???

tmhen ks ne kaha pagli

 mohabbat ke ilawa or bi to dard hote hain

 fikar-e-muaash, sukh ki talaash

aise or bi gham hain

 or tum

un sb ghamon k baad ati ho

 tmhen kis ne kaha pgli

 mjhe tum yad ati ho

 yah dunya walay pagal hain

 zra si bat ko ye to afsana smjte hain

mujhay ab bhi yahan pagal tera dewana samjhaty hain

tumhen kis nay kaha pagli???

magar shayad!!!
magar shayad main jhoota hon......

Share

Pin It

Kahan dil chor aye ho,
bohut chup chap se rehtay ho,
Na bante ho na sanwarte ho

na koi bat karte ho
Bhari mehfil main bhi aksar
hamesha khoay rehtay ho

Udasi aankhon main le kay
her ek chehre ko takte ho
Koi jab yaad aata hai to
Thundi aah bharte ho
To khul kar kion nahin kehtay
  Kisi se pyar kertay ho.....

Share

Pin It

  

Gum sum chup chup rahne wali

Tanha tanha si bathi ek larki se

Main ne ek din yeh kaha tha

kyun na ek achi se nazm

Main tumarey naam kar doon

Tumari kisi masoom ada ko

Lafzoon k jado main samo kar

Andekhey lamhoon k liye

Ek haseen si yaad bana doon

Woh lamhey jab sab kuch hotey huwe bhi

Koi bhi paas naheen hota

Koi dhirey dhirey bahanoon se

Do bateen kar jane wala

Na koi nazm kahne wala

Na koi nazm sunaney wala

Lekin is lamhey

Dayroon main apni soch k semti

Andekhi ahat se chop kar

Janey kis bandhan se dar kar

Inkar karti hui woh

Masoom si larki muj ko

Kuch aur bhi masoom lagi

K woh kaise jaan sakti thi

Us k takhkha tab ki sherni

Sada si us ki be antanai

Ek aur nazm ka unwan ban chuki thi

Share

Pin It

Kabhi fursat main aao to meri ek nazm se milna

Magar iss nazm ka dhaaga

Tumhaari yaad ka lehja badalte hi na jaane kyun ulajh kar TooT jata hai

Tabhi to iss ki satrain ja ba ja bikhri huwi hain

Koi takye ki shiknon main, buhat TooTi huwi neendon ki ankhon main pari hai

Koi dehleez par ahaT ki baali kaan me daalay khari hai

Koi rukhsaar pay aansoo ki soorat jum gayi hai

Koi dil se labon tak aate aate tham gayi hai

Koi bookshelf main bechain haatho se uTha kar bin parhay rakhi kitabon me pari hai

Koi ehsaas ki ankhon main kankar ki tarah atki hui hai

Koi uss adh jaley cigarette main lipti reh gayi hai

Jisse jaane ki jaldi main piye bin ash tray main tum ne chorra tha

Ziyan ki dhool ban kar paon se lipti hain kuch satrein

Kahin ek satr ke andar shikasta maan se bheegi huwi palkein pari hain

Kahin ek satr main wo chaand atka hai

Meray kamre ki khiRki se jisse tum dekh kar sheeshe se uljha choR aaye thay

Koi ek satr uss chaaye ki pyaali main pari ho gi

Piye jaane ke khaahish main jo table par hi rakhi reh gayi thi

Kahin ek satr me khaabon ka wo rasta bhi rakha hai

Main jiss par apni aankhein bhool aayi hoon

Kahin ek satr ke andar meri wo saans rakhi hai

Tumhaari be nishan masroofiyat ke bojh se jiss ko main ab tak ji nahi paayi

Koi ek satr shayed Daakiye ki cycle ki chain me uljhi huwi hai

Tumhaara khat liye bin iss saRak par kyun wo aata hai ???

Zara sa ghor se sun'na

Receiver me tumhaare phone k shayed meri awaz rakhi ho

Issay ab parcel kar do to main iss se bhi kuch bheegi huwi satrain bana loon gi

Abhi dil ki hathaili par bhi kuch satrein pari hain

Buhat nazuk hain , lafzon se chhuwa to TooT jaein gi

Koi in muntazir ankhon main rakhi hai

Jinhe tum apna keh kar bhool jaatay ho

Yahin ek satr ki ankhon main mera khaab rakha tha

Tumhaari berukhi ke paon se kuchla para hai

Mere iss khaab ka tawan kya do gay??

Suno!

Iss nazm ko unwaan kya do gay??